කට්ටි පැනපු අර්ජුන් මහේන්ද්‍රන්ට වැඩ වැරදියි! ජාත්‍යන්තර පොලීසිය ගේමට එන්ටර් වෙයි..

බැඳුකම්කර වංචාව සම්බන්ධයෙන් චෝදනා එල්ලවී සිටින හිටපු මහ බැංකු අධිපති අර්ජුන මහේන්ද්‍රන් මහතා ඉදිරි දින කිහිපය ඇතුළත අත්අඩංගුවට ගෙන ශ‍්‍රී ලංකාවට රැගෙන ඒමට බොහෝ දුරට ඉඩ තිබෙන බව පොලිසියේ ඉතා විශ්වාස කටයුතු ආරංචි මාර්ග ඔස්සේ අනාවරණය වෙයි.

අර්ජුන මහේන්ද්‍රන් පිළිබඳව ජාත්‍යන්තර මට්‌ටමෙන් සියලුම ගුවන්තොටුපළවලට දැනුම්දීම නිසා ඔහුට රටින් රටට පැන යැමට නොහැකි අයුරින් ආරක්‍ෂක කටයුතු පුළුල් කර ඇති අතර අර්ජුන මහේන්ද්‍රන් අත්අඩංගුවට ගැනීමේ වගකීම ජාත්‍යන්තර පොලිසිය භාරගෙන ඇතැයි ද එම ආරංචි මාර්ග හෙළි කළේය.

මහ බැංකු අධිපතිවරයා ලංකාවට ගෙන්වා ගැනීමට අවශ්‍ය කටයුතු කරමින් තිබෙන බව ඊයේ (08දා) පැවැති මාධ්‍ය සාකච්ඡාවකදී ඩිලාන් පෙරේරා මන්ත්‍රීවරයාද සඳහන් කර සිටියේය.